اليكم أجمل الأواني المطبخية

طورطات صغيرة

المقادير :
200غ الدقيق
150 غ الزبدة
رشة ملح 
ملعقة صغيرة خل+شوية الماء حسب حاجة الخليط اليه



الطريقة :
نجمع الخليط  نكوروها ونعملوها نصف ساعة في الثلاجة من بعد نسرحوها بالمدلك و قطعوها دوائر على قياس les moulesصغار
ندخلوها الفرن بعد ما نتقبو الوسط ديالها بالشوكة عندما تنضج
نعمروها بكريم باتيسري اولا ونضع الفواكة المشكلة بطريقة جميلة وبالصحة والراحة 

عجينة الباتاشو محشوة

المقادير :
2كيسان الماء دافئ
80غ زبدة
20غ سنيدة
4بيضات
قشرة حامضة محكوكة
شوية الملح
نصف رابعة الدقيق
التزيين 
:
شعرية صينية "نخووا عليها الماء طايب و نصقطروها ونخلوها على جنب"
صدر ديال الدجاج مشحر بشوية البصلة محكوكة والكمون والزعتر ومسقي بسوية صلصلة الصويا نفرتوهم ونخلوهم على جنب
زيتون أخضر مقطع 


الطريقة :
   
 

كندوبوا الزبدة والسكر والفاني والملح مع الماء فوق نار هادئة حتى الغليان

وخارج النار نضيف الدقيق مرة واحدة مع الخلط بملعقة خشبية 

وانرجعوها فوق النار مع التحريك حتى تنشف وما تبقاش تلسق على جناب الطنجرة

ثم نضيف بيضة مع الخلط بالضراب والبيضة الثانية بنفس الطريقة حتى الإنتهاء

كمية البيض حسب الحجم إلا كانو كبار كانحتاجو 3 ولا كانو اصغار كانحتاجو 4 بيضات 

دائما البيضة الأخيرة انضربوها بالفريشط وانضيف شوية بشوية المهم باش انعرفو العجينة وجدات وخاصها تكون متماسكة

من بعد كنخرجو العجينة من جيب حلواني في طاوة مغلفة بكاغيط صالح للفرن ونبدأ في عملية سكب العجينة بطريقة دائرية و صغيرة ثم ندخلها الفرن بعد ان تنضج وتنتفخ

نخرجها ونتركها تبرد ثم نقسمها من الوسط بالسكين ونبدأ نحشوها قطع صدر الدجاج مع الشعرية الصينية وباقي الحشوة لتعطينا الشكل النهائي في الصورة بالصحة والراحة

كيكة نسكافي

المقادير والطريقة :
-4بيضات
-كاس العنبة سنيدة
-كاس العنبة زيت
-كاس العنبة ماء مداب فيه 2معلق كبار نسكافي
-3خمارات حمرين
-3معالق كبار كاوبيل او كاكاو مر
3كيسان الدقيق الممتاز
نطربو البيض مزيان مع السنيدة ونزيدو باقي المكونات بشوية مع الخلط الجيد ومن بعد ندخل الخليط الفرن على درجة حرارة خفيفة جدا 
عند النضج نعمل دانون صغير ديال الشكلاط مدوبين فيه شوية الشكلاط بطريقة حمام ماريا نفرغه فوق الحلوى تم بخطوط دانون طبيعي نزين الكيكة وبالصحة والراحة

 

بيتزا الفلفل

العجينة :
-زلافة الدقيق الفورص 
-ملح حسب الذوق
-ملعقة كبيرة زيت
-زعتر مطحون "رشة"
-الماء الدافئ للعجن
-خميرة كيماوية +ملعقة صغيرة خميرة العجين
الحشو :
-فلفل مقطع دوائر
صلصة الطماطم
-طون
-فرماج محكوك
-زيتون أسود
بصلة مشحرة مزيان في زيت البلدية والزعتر
الطريقة :
بعدما ندلكو العجينة نبسطوها في طاوة وندهنوها بشوية الزبدة و نعملو فوقها صلصة الطماطم+البصل+الفلفل+الطون+الزيتون+الفرماج محكوك من الفوق وبالصحة والراحة

    

سلاطة الأرز

المقادير
-زلافة متوسطة الروزكلاصي
-علبة الذرة
-علبة الطون
-الخضر مصلوقة(جلبانة+جزر مقطع مربعات صغار جدا+فلفل مشوي ومقطع صغيرا)
-الباربا مصلوقة
-الخص
-2حبات طماطم
-خيارة واحدة
مايونيز
- بطاطس مصلوقة 
-2فرماجات

الطريقة :
نصلق الروز ونملحه ثم نخلط معه ملعقة صغيرة من الزبدة و نتركه جانبا
-نأخد جميع المقادير نخلطها مع الارز الا البطاطس و الباربا و الخص نتركهم جانبا

-   في قالب الحلوى نضح الارز مع جميع المكونات ونخلطه ب 3ملاعق كبيرة من المايونيز ثم نضعه وسط القالب ليشكل شكل داري مثل شكل الكيكية و نفرغه في صحن التقديم ثم ندهن وجهه بالمايونيز ليغطي السطح كله -
-نأخد البطاطس المصلوقة نضيف اليها الفرماج ونطحنه في ماكينة يدوية لتطي الشكل على الصورة نضعها فوق الارز ثم نتمم عملية التزيين 
نعمل الخص مخلل من الجوانب ونضع عليه مقدار من الباربا الممزوجة بدانون كيفما كان
نزين بدوائر الطماطم والخيار و نقدم الطبق بالصحة والراحة